ہم نے اظہار ِ فن کیا کہ نہیں؟۔۔۔۔۔۔۔۔ادریس آزاد
ہم نے اظہار ِ فن کیا کہ نہیں؟۔۔۔۔۔۔۔۔ادریس آزاد
14 فروری 2020
ہم نے اظہار ِ فن کیا کہ نہیں؟
کاروبار ِ سخن کیا کہ نہیں؟
بیڑیوں کی صدا نے پیروں میں
چھن چھنن چھن چھنن کیا کہ نہیں؟
رات دن تیری یاد میں ہم نے
جان ِ من جان ِ من کیا کہ نہیں؟
سارا عالم تری تلاش میں ہے
عام مشک ِ ختن کیا کہ نہیں؟
اب تو ہم بھی نہیں ہیں، دنیا میں
دل لگانے کو من کیا کہ نہیں؟
ایسے دیوار و در نہیں بنتے
ختم دیوانہ پن کیا کہ نہیں؟
سر نہیں ہے اگرتو پھر کیا ہے
پیش ہم نے بدن کیا کہ نہیں؟
اب کوئی فکر ہے نہ فاقہ ہے
ہم نے لفظوں کو دھن کیا کہ نہیں؟
ادریس آزاد